2005/10/28
Eraikuntza, Hormigoi eta Harrigintza - Hitzarmen berrien negoziaketa.

Kurtso berria hasten dugun honetan, Eraikuntza eta, Hormigoi eta Harrigintza hitzarmenen negoziaketa daukagu begi bistan. Hitzarmen bi hauen negoziaketan argi utzi nahi dugu ez garela inoren morrontzan arituko, eta ez dugula onartuko inolako inposaketarik, ez patronalenik, ezta beste sindikatuenik ere. LABek langileentzako hitzarmen duin baten alde borrokatuko du eta borroka horretan bat egiten dutenak bakarrik onartuko ditugu bidailagun bezala. Aspertuta gaude langileak desaktibatu eta hitzarmenak hiltzera dedikatzen diren sindikatuez, horregatik guk gure indarrekin egingo diogu aurre patronalari.

Prekarietatearen aurka eta lan baldintza duinen alde, lan istripuen kontrako neurriak, soldaten hobekuntzak, lan orduen murrizketak, baldintza sozialetan aurrera pausuak eta abar; horiek izango dira gure apustuak hitzarmen honetan.

Besterik gabe dei egiten diegu hitzarmen honen eraginpean dauden langile guztiei adi egon daitezen etorri daitezken mobilizazio eta borrokei aurre egiteko guztion artean.