2008/05/15
PRENTSAURREKOA - FSMren Metalgintza alorreko biltzarraren berri emango da; baita LABen VII Biltzar Nazionalari buruzko informazioa ere: emendakinak eta hautagaien zerrenda.

Iragarri zen bezala maiatzaren 22 eta 23an LABen VII Biltzar Nazionala burutuko da BECen. Eztabaida prozesua burutu da jada azken aste hauetan sindikatuaren egitura ezberdinetan aurkeztu diren bi ponentzien inguruan. Bihar eskainiko dugun agerraldian Rafa Díez Usabiagak, Ainhoa Etxaidek, Jabi Garnikak eta Olatz Arozenak prozesu horren berri emango dute, emendakinen nondik norakoak azalduz, zuzendaritza egituretarako egiten den proposamena iragarriz eta biltzarraren inguruan bestelako gai teknikoak plazaratuz.

2008/05/14
PRENTSAURREKOA- Emakume langilearen diskriminazioa Indusal enpresan

Bizkaiko INDUSAL enpresan 170 pertsonak egiten dute lan, horietatik %70 emakumezkoak dira. Beste hainbat tokitan bezala, enpresa honetan emakumeekiko diskriminazio nabaria gertatzen da, bai soldata aldetik bai lan baldintzei dagokienez gizonezkoekin konparatuta. Kasu honetan azpimarratu behar dugu Osakidetzako azpikontrata bat dela -beraz Administrazioak diskiminazioa bermatzen du- eta bestalde LABek Ikuskaritzaren inspekzio bat eskatu duela esatea horren aurrean neurriak hartzeko. Momentuz ez dago erantzunik.

2008/05/08
LAB-Pentsionisten I. Batzar Nazionala

LABek pentsionisten alorreko lehen batzar nazionala burutuko du bihar, maiatzak 9, Iruñako Carlos III zineetan goizeko 10:30ean hasita. Asanbladan, alor ezberdineko 200 pertsonen parte hartzearekin, orain arte emandako urratsak aztertuko dira eta horren ostean eztabaida hasiko da bihar bertan aurkeztuko den oinarizko ponentzia baten inguruan, gero, eta ondorioak atera ondoren, aurrera begirako helburuak finkatzeko.

2008/05/05
PRENTSAURREKOA - Salbuespen egoerari STOP! Errepresioa ez da bidea

LABek agerraldia egingo du bihar, Asteartea, maiatzaren 6a, eguerdiko 12etan Arrasaten duen egoitzan (Garibai etorbidea, 14-2).

Prentsaurrekoan, azken aste hauetan, eta batez ere Ino Galparsoro alkatearen atxiloketaren ondorioz sortu den Egoeraren aurrean LABek egiten duen irakurketa eta ostegunari begira bultzatuko dituen lanuzte eta mobilizazioak iragarriko dira.

2008/04/24
Araban, 25ean izango dira mobilizazioak lan osasunaren nazioarteko egunagatik.

Datorren apirilaren 28an lan osasunaren nazioarteko eguna ospatuko da. Joan den astean ordubeteko lanuzteak deituko zituela lantoki guztietan iragarri zuen LABek. Izan ere, inolaz ere ezin da onartu langileek bizia galtzea lanean ari direnean eta oro har, milaka lan istripu gertatzea egunero. Beraz, arazo latz honi aurre egiteko neurriak aldarrikatzeko aterako da 28an kalera. Bestalde, artero lanean edo lanagatik bizia galtzen dutenekiko elkartasun eta aitormen keinu bat izan nahi du lanuzteak.

hurrengoak »