2008/06/20
Ordu erdiko lanuztea egin dute 800 langilek Lantegi Batuak-en.

Lantegi Batuak-eko enpresa batzordeak (LAB, ELA, CCOOK eta UGT-k osatutakoa) jakinarazi nahi du ekainaren 20an, ostirala, 800 langile atera ginela kalera.

Kontuan hartuta, gure enpresak dituen berezitasunak, urte sasoia, bajak, plantilla sakabanatuta dagoela, aldi baterakotasun tasa %31ekoa dela, ... parte hartzea handia izan dela uste dugu.

Hitzarmen duina lortzeko asmoz hasitako mobilizazio egutegiari dagokionez, datorren ekainaren 27an ordu erdiko beste lanuzte bat burutuko dugu atsedenerako tartea eta gero lantoki guztien aurrean.