Bizkaiko Foru Aldundiak AHTren Bilborako sarreraren inguruko informazioa ukatu du.

Garrantzi handiko erabakitze-prozesuen ohiko "gardentasun" eta "parte-hartze" erakustaldia eginez, Bizkaiko Foru Aldundiak EAE-ANV-ri informazioa ukatu dio. AHT Bilbora Abandora helduko dela hedabideak erabiliz jakinarazi dutelarik zenbait agintarik, horrexeren gaineko galdera egin dio idatziz EAE-k.

Duela egun batzuk, Batzar Nagusietan alderdi ekintzaleak duen ordezkari Andoni Arriolak AHT Bilbora ailegatuko den eraz galdetu zuen. Abandon izango omen den eraldaketa itzela izango den arren (espekulazioa, ikusmen aldetiko inpaktua, bidaiari eta ibilgailuen fluxu hazkundea...) Bizkaiko Foru Aldundiko Garraio eta Hirigintza Departamentuak urtarrilaren 15eko idazki baten bidez erantzun du Abandoko geltokiaren aldaketen inguruko informaziorik ez duela eta ez dakiela horren gaineko ezer.