·  Volkswagen Navarra S.A.-ko LABek CCOO eta UGTren jarrera kritikatu du, autoen emisio murrizketen inguruko Europako Araudi Proposamenaren aurka agertu direla-eta.

 ·  Trenbide Sozialerako Sareak Eusko Jaurlaritzako Garraio eta Herri Lan Sailak mugikortasun eta salgaien garraioaren gainean aurkeztutako txostenak aztertu ditu.

Datuek Jaurlaritzak ezarritako garraio politika negargarria baieztatzen dute. AHTren aldeko apostuak eta errepideen eskaintza areagotzeak akats horietan sakontzen dute eta gure gizarteak eta ingurumenak behar duten trenbide politika garatzea eragozten dute.

Azken aste hauetan, Garraio eta Herri Lan Sailak bi txosten aurkeztu ditu: Mugikortasunari buruzkoa eta tren bidezko salgaien garraioaren gainekoa. Nahi duenak euskaly.com helbide elektronikoan eskura ditzake.

 ·  AHT - Salgai matxuratua

Urte mordoa eman dugu Abiadura Handiko Trenak ustez garraiatuko lituzkeen salgaien inguruko informazio eske. Urte gehiegi Lakuako Jaurlaritzaren anbiguotasunak entzuten, errepideetatik kamioien ehuneko handiak kenduko lituzkeela ... Beti ezelako datu edo txostenetan oinarritu gabe.

Orain, EAEko Jaurlaritzak "Euskal Y" deritzonaren salgaien garraioaren inguruko txostena aurkeztu du. Espero zitekeenaren berri ematen ez duen txostena, alabaina: zer salgai mota garraiatuko luke Y-ak eta zer kopurutan?

 ·  AHT-ren gezurrak, buztana motz.

Badakizu... hau ez dela diru publikoarekin ordaindutako salezina dena saltzeko azken panfletoa? Badakite Lakuan egun berean hiru gezur esanez gero ondorio fisikoak nabarmentzen direla, auzokoak kontura daitezkeela Sailburuari sudurra hazi egin zaiola?

Abiadura Handiko Trenaren inguruko informazio eta parte-hartze ezaren inguruko salaketa orokorra da, baita herritarren nahiaren ukazioaren gainekoa ere. Udal mordoa ari da jasotzen tokiko inpaktuei buruzko galderak eta erantzunik ez dutela diote, itxoiten ari direla, etab. Informazioaren ordez, gobernuek publizitatea zabaltzen dute. Ezin baitira beste era batean definitu egunkarietako publierreportajeak, irratiko propagandak, RENFEko geltokietan jarritako txiringitoak,gutunontzietara sartutakoak...

 ·  AHTren aurkako ibilaldi informatiboa Sakanatik Goierrira Altzaniako mendizerran barna.

Martxoaren 15ean, larunbatarekin, Sakana eta Goierriko AHT GELDITU! Elkarlana taldeek Altsasu eta Idiazabal herriak lotuko dituen mendi-martxa informatiboa antolatu dute "LURRAREN DEFENTSAN, AHTrik EZ!" lemapean. Hori dela eta, ibilaldi honetan parte hartzeko deialdia egin nahi dugu, Sakana eta Goierriko herri eta haran afektatuetan AHTren Nafarroako Korridoreak eta "euskal Y"arekin izango lukeen lotuneak eragingo lituzkeen ondorio larriak salatzeko, eta baita Abiadura Handiko Trenaren aurkako jarrera zabaltzen jarraitzeko ere.

·  EAJ, AHT Gelditu! Elkarlana eta Ekologistak Martxan, ezbaian Bilbon.

Bilboko AHT Gelditu! Elkarlanak antolatuta, otsailaren 26an LABen egoitzan izan da mahai inguru interesgarria. Bertan, 50 lagunetik gora eta PNVko Ibon Arerso, Elkarlaneko Iñaki Antiguedad eta Ekologistak Martxaneko Rosa Lago izan dira. PSE-k ez du agertu nahi izan, gonbidatua izan zen arren. Unibertsitateko irakalse Rosa Lagok AHTren inguruko zenbait mito gezurtatu ditu, besteak beste CO2 isurtzen ez dituela dioena. Hautetsi jeltzaleak AHTk enpresen lehiakortasuna hobetuko duela ziurtatu zuen. Estatuan eta Europan egongo denez AHT, ez litzatekeela logikoa bertora ez heltzea gaineratu zuen. Gainera, "Abando geltoki intermodalerako leku ona da eta lurrazpitik etorriko da AHT. Cantalojaseko lubakia eta gunea hobetzeko aukera izango da", esan zuen.

 ·  Hitzaldia - Eztabaida: "Zer ekarriko dio AHT-k Bilbori?"

Ohar honen bidez jakinarazi nahi dugu GAUR, otsailak 26, Bilboko Arkitektoen Elkargoan egitekoa izan den mahai ingurua, Elkargo horren agenda arazoak direla eta LAB sindikatuaren egoitzan izango dela (Errekalde Zumarkalea, 62, behea).

 ·  Bizkaiko Foru Aldundiak AHTren Bilborako sarreraren inguruko informazioa ukatu du.

Garrantzi handiko erabakitze-prozesuen ohiko "gardentasun" eta "parte-hartze" erakustaldia eginez, Bizkaiko Foru Aldundiak EAE-ANV-ri informazioa ukatu dio. AHT Bilbora Abandora helduko dela hedabideak erabiliz jakinarazi dutelarik zenbait agintarik, horrexeren gaineko galdera egin dio idatziz EAE-k.

·  Herriari galdetzeko eskaria Ibarretxeri.

LAB sindikatuak manifestazioa egin zuen atzo Gasteizko kaleetan, «AHTren inposizioaren aurka». Lehendakaritzan amaitu zen martxa eta, han, Eusko Jaurlaritzako lehendakari Juan Jose Ibarretxeri gutuna helarazi zion Rafa Diez LABeko idazkari nagusiak. AHTk ez duela garraioaren arazoa konponduko uste du LABek. Eta, aldiz, egitasmoak trenbide eta garraio eredu praktikoa, eraginkorra, ekonomikoki bideragarria, herritarren eskura legokeena, energia aurreztailea eta ekologikoa hautatzeko dauden aukerak hipotekatuko lituzkeela uste du. Hala, lanak gelditzeko eta, informazio eta eztabaida prozesu zabal eta gardena garatu ostean, herritarrei hitza emateko eskatu zion Diezek Ibarretxeri. Berria (2008/02/08).

 ·  Hitzaldia - Eztabaida: "Zer ekarriko dio AHT-k Bilbori?"

· Irala: otsailaren 15ean 19:30ean, Gizarte Etxean.
· Errekalde: otsailaren 15ean 19:30ean, Kukutza Gaztetxean.
· Arkitektuen Elkargoa: otsailaren 26an, 19:30ean.

·  Ainhoa Etxaide: "AHT-ren atzean neoliberalismoa eta Euskal Herriak Madril eta Parisen menpe segitzeko asmoa baino ez daude".

LABek AHTren inguruko batzarra egin zuen urtarrilaren 18an Itsasondoko frontoian. Bertan Ainhoa Etxaidek eta Jon Artetxek inposizio honek langileriari eta Euskal Herriari ekarriko dizkion kalteak azaldu dituzte eta gobernuen jarrera salatu. Ostean, "Langileok ere, AHTri ez" lelopeko manifestazioan egin dute bidea Ordiziaraino. Gogoratu beharra dago hauxe omen dela AHTren lanak hartuko duten hurrengo zatia, otsailean antza.

 ·  Lakuak enpresak mesedetuko ditu uraren kanonaren bidez.

Uraren kanonari buruzko Ekonomia eta Finantzako erregimenaren Araudia onartzen duen Dekretua indarrean izango da gutxi barru EAEn. LABek Lakuari eskatu dio Dekretu-zirrioborroa aldatzeko, herritarren aldean patronala mesedetuko ez duen arau orekatuago ezartzeko.

·  Jardunaldia: Zabalgarbi, hondakinen kudeaketa garbia?

Urtarrilaren 15ean, 19:00etan, Batzar Nagusien Aretoa, Bilboko Hurtado Amezaga, 6. - Dabi Alonso (Ezker Abertzalea) - Josetxo Alvarez (Ekologistak Martxan) - Jon Artetxe (LAB) Lakuak eta Bizkaiko Foru Aldundiak hondakinak erraustea tratamendu garbia eta iraunkorra dela defendatzen dute. Bilboko Zabalgarbi erraustegia martxan dago, gardentasunik gabe eta arazo handiekin. Gizarteak ez daki zelako eraginak dituen osasun eta kutsadura atmosferikoan, ez ditu ezagutzen handitzeko planak, alternatibak, ... Era berean, porlana ekoizteko zenbaik instalaziok gero eta hondakin gehiago erretzen du labeetan. Hor ere ez da nagusi gardentasuna, ezta lan osasun, osasun publiko eta ingurumenaren babesa.

·  Langileok ere AHT-ri ez.
	Inoiz Euskal Herrian eraiki den azpiegitura antiekologiko eta antisozialena kosta ahala kosta gauzatzekoak dira.

·  AHT.
	AHT-ren inguruko hitzaldi, mahai inguru eta eztabaidak ugaritzen dira herri eta hirietan. Argazkian, Jon Arretxe (LAB), beste gizarte eragileekin batera Anoetako mahai inguruan.

 ·  AHTren inguruko Konferentzia azaroaren 17an Hernanin.

Datorren azaroaren 17an, larunbatarekin, Abiadura Handiko Trenaren (AHT) inguruko Konferentzia antolatu du AHT GELDITU! Elkarlanak, gure ingurumenean kalte izugarriak eta gizartean ondorio galgarriak eragingo lituzkeen proiektu horren aurrean jendarteko eztabaida zabaldu eta hausnarketa kritikoa sakondu asmoz. Hori dela eta, herritar guztiei jardunaldi honetan parte hartzeko dei egiten diegu, AHTren aurka dagoen herri mugimenduak beti sustatu duen gizarte-eztabaidari bultzada berri bat emateko eta ekologian nahiz gizarte arloan ondorio bortitzak dituen azpiegitura erraldoi horrekiko oposizioa indartze aldera gogoeta berriak mamitzeko.

·  "REACH ARAUDIA: URRATSA ARRISKU KIMIKOEN PREBENTZIOAN ALA AUKERA GALDUA?" jardunaldiak azaroaren 16an Bilbon.
	LAB Sindikatuak eta ikerketa sindikal eta prestakuntzarako den IPAR HEGOA Fundazioak antolatuak. Jardunaldiaren helburuak hurrengoak dira: REACH araudiak prebentzio kimikoari ekarriko dizkien aldaketen berri izatea, lantokietan izango dituen eraginetan eta interbentzio sindikalerako aukeretan sakontzea eta kimika garbiagorako urratsak ematea.

 ·  LAB zor ekologiko eta klima aldaketari buruzko Nazioarteko Konferentzian.

LAB-ek parte hartuko du "nork nori zor? zor ekologikoa: energia, transnazionalak eta aldaketa klimatikoa"ri buruzko konferentzian. Bilboko Sarrikoko Fakultatean izango da, Ekologistak Martxan-ek antolaturik.

·  Neoliberalismoak energiaren kudeaketan dituen ondorioak salatzeko, txostena egin du LABek.

[Berria] Behar baino bi aldiz energia gehiago ekoitziko da Hegoaldean 2010ean. «Energia berriztagarriak merkeagoak eta ekologikoagoak dira, eta enplegu gehiago sortzen dute. Baina praktikan ez dira erabiltzen, kapitalaren gustukoak ez direlako», salatu du LAB sindikatuak. Mundu osoko ekonomia baldintzatzen duen eredu neoliberalak eragin zuzena du energiaren kudeaketan. Kontsumo, garapen eta baliabideen erabilera «neurrigabean» oinarritzen da kudeaketa hori. «Hortaz, neoliberalismoak eragin zuzena du klima aldaketan».

 ·  Zazpi talde sindikal, ekologista eta sozialek Klima Aldaketaren Aurkako EAEko Planaren prestaketan dagoen parte-hartzerik eza salatu dute.

Ingurumen eta Lurralde Antolamendu Sailak deituriko "Foro"-tik atera egin dira eta eskatu aurretik helarazi behar zaiela informazioa eta benetako eztabaida Foro batera dei ditzaten ere.

 ·  Zer urrun dagoen Kioto.
Jon Artetxe. LABen ingurumen arloko arduraduna.

Klima aldaketak Euskal Herrian izango dituen eraginen arteko hainbat oso aintzat hartzekoak dira: ekosistemen mediterraneotzea, euri jasen egituraren eta itsasaldeko hezegunen aldaketa, arro atlantikoen aldakortasun handitzea... Inpaktu horiez gain, euskal hondartzen %40 desager liteke eta kostaldeko gune ugari urpean gelditu. Ez da makala, gero, datorkiguna!

 ·  LAB-en adierazpena Mugikortasun Astearen harira.

Lanerako joan-etorrien egoera larriak mugikortasun eredua erabat aldatzea eskatzen du.

 ·  Unibertsitateko irakasleen Manifestuaren inguruko prentsa-oharra 'Euskal Y-a, okerreko apustua'

UPV/EHUko hiru campus eta arlo ezberdinetako (ekonomia, zuzenbidea, soziologia, zientziak, etab.) 120 irakasletik gora sinatu dugu prentsaurreko honetan ezagutzera ematen dugun manifestua.

 ·  LAB-en oharra REACH (substantzia kimikoen Erregistro, Ebaluazio eta Baimenaren inguruko araudia) araudiaren inguruan.

Ekainaren 1ean sartu da indarrean substantzia kimikoen Erregistro, Ebaluazio eta Baimenaren inguruko REACH araudia. Joandako abenduaren 18an Europar Batasuneko Kontseiluak onartu ondoren, hauxe zen falta zen urratsa. Substantzia kimikoen arloan EBren politiken artean arau-tresnarik garrantsitsuena dela gogorarazi beharra dago. Harreman zuzena du 2001ean argitaratutako Liburu Zuriarekin.

 ·  Jardunaldiak - "Lana: joan-etorriak eta mugikortasuna. Osasuna eta ingurumena hobetzen".

Maiatzaren 24an, goizeko 9:30etan, Bilboko LABen egoitzan (Errekalde Zumarkalea, 62 behea).

 ·  Abiadura handia, adostasun txikia. Jon Arretxe (LABen ingurumen arloko arduraduna).

"Euskal Y"-aren inguruko web orriaren aurkezpeneko diskurtsoan, Ibarretxe jaunak hurrengoa aitortu zuen: "Asko eztabaidatu beharko da. Egia da parte-hartzeko sistemak oraindik landu gabeko arloa direla eta ohiturarik ez dugula egitasmoak herritarren parte-hartzeari irekitzeko, baina ikasiko dugu; bide bakarra da, demokrazia parte-hartzeko eszenatokiez hornitzea baita". Esan bezala, Abiadura Handiko Trenaz ari zen. Eta ez zen lotsaz gorritu!

·  Rafa Diéz: herriari galdetu behar zaio AHT-az.
	Martxoaren 22an Abidadura Handiko Trenari buruz jarduteko egindako agerraldian, LABeko idazkari nagusi Rafa Diez Usabiagak tamaina honetako egitasmo batek herriari zuzenean galdetzea exijitzen duela adierazi du. Europako hainbat herritan egiten den bezala egoerak hori eskatzen duela azaldu eta Euskal Herrian ingurumenari egindako erasorik handiena dela azpimarratu du.

 ·  EAEko Jaurlaritzaren ingurumen politikari buruzko balorazio kritikoa eta ekarpenak.

ELA, LAB, EHNE, Eguzki, Ekologistak Martxan eta Sagarrak-ek aurkeztutako dokumentua.

 ·  Erraustegia eraikitzeko erabaki lotsagarriak erantzun sendoa eskatzen du. Herritarron esku dago mobilizazio eta presio sozialaren bidez eustezin bihurtzea inposaketa agintariei.

LAB sindikatuak oso larritzat jotzen du gaur, urtarrilak 30, Donostiako Udaleko osoko bilkuran erraustegia Zubietan eraikitzeko hartutako erabakia. PSEk, EAJk eta EAk bozkatu dute horren alde eta beraiena da inposaketaren erantzukizuna, herritarren borondatearen kontra hartutako ebatzia baita. Izkutuan egin dute gainera, afera gai-zerrendan azken unean sartuz eta modu lotsagarrian.

 ·  AHT-ren aurka eta garraio sare jasangarri baten alde.

«Commission Particulière du Débat Public» delakoari Suisse aditu kontsultategiak egindako azterketa txostenak, guk ateratako «Garraioak Euskal Herrian» txostenean genituen kezka eta ohar berdinak biltzen ditu.

 ·  AHT Gelditu! Elkarlanak hurrengo 8an Durangoko manifestazioan parte hartzeko deialdia zabaltzen du (arratsaldeko 5etan, Azokatik).

Aldi berean abenduak 3, Igandean, Itasondon burutu behar den herri kontsultan parte hartzeko deitzen du, bertan proiektu erraldoi honen aurka adierazten. Izan ere azkeneko asteetan Euskal Herriak argi eta garbi erakutsi du borrokaren eta antolakuntzaren bidez AHTaren aurkako aldarria geroz eta jendetsuagoa eta geroz eta altuagoa dela. Obren hasierari modu txukun eta antolatu batean erantzun zaio, eta horixe da momentu honetan azpimarratu nahi genukeena. Mobilizatzeko garaia dela, herrien txanda dela, eta zentzu horretan, Itsasondon datorren Abenduak 3-an burutu behar den herri kontsulta edo Durangon Abenduak 8-an egingo den manifestazioa azken asteotako zurrunbilo mediatikoari erantzuteko modurik egokiena iruditzen zaigu. Alegia, AHTaren aurkako borrokaren kriminalizazio saiakera guztiei, inposizioaren aurkako mobilizazio zein herri ekimenak indartuz erantzutea deritzogu modurik egokiena.

·  AHT lanak salatzeko 20 lagun kateatu egin dira.

Azaroaren 29an, eguerdi partean gutako 20 lagunek AHT salatzeko asmoz Urbina eta Luko arteko txikizio lanetan elkarrekin kateatu dira. Ekintza 14:00 inguru hasi dugu, hamar laguneko bina talde obretan barneratu eta lurrean eseri gara. Denok gure artean katez loturik geundelarik, zinpeko guardiek ezer ezin zutela egin ikusirik Ertzaintzari hots egin diote. Langileek aldiz lanak bertan behera utzi eta guri so geratu dira. Denbora aurrera joan ahala, komunikabide ugari hurbildu da bai telebista, bai irrati eta bai prentsa idatzikoak. Uneoro jendeak AHTren aurkako oihuak bota ditu eta beste behin langileei lanak utz ditzateztela eskatu zaie.

 ·  Zentral nuklear gehiago eraikitzearen UGT-ren adierazpenen inguruko kritika.

Gaur bertan UGT-ren idazkari orokor Cándido Méndez-ek energia nuklearraren alde egindako adierazpenen aurrean, LABek honakoa adierazten du:

·  AHT-ren aurkako manifestazio nazionala. Azaroaren 18an, arratsaldeko 17:00etan Gasteizen.
	AHT-ren aurkako mobilizazio kanpainaren barruan, datorren azaroaren 18an manifestazio nazionala egingo da Gasteizen, arratsaldeko 17:00etan "Iparralde" Gizarte Etxetik abiatuta.

·  Ordezkari sindikalak AHT-ri buruzko ezbaikan.
	Azaroaren 10ean LABeko ehun ordezkari sindikal batzartu ziren Abadiñon AHTri buruz jarduteko. Ingurumen arduradun Jon Artetxeren azalpenen ostean, eztabaida eguerdira arte luzatu zen, egitasmoaren aurkako protesta kalera atera zutelarik orduan.

 ·  AHT-ren aurkako mobilizazioak.

Abiadura Handiko Trenaren obrak hasita daude, Lukun (Araban) hain zuzen ere Instituzioek ez dute publiko egin eta AHT Gelditu Elkarlanak inposizioa eta ilunkeria salatzeko mobilizazioak eta erantzun indartsua prestatu ditu. Euskal Herrian inoiz izan den txikiziorik handiena izateaz gain, diru publikoetako 6.000 miloi euro xahutu nahi dituzte biztanleen %2rentzat baino izango ez den azpiegitura batean. Ez ditu lotuko herriak, eskualdeak; ez du egituratuko nazioa. Energia xahutzeaz gain, nekazal lurra izorratu, hidrologia kaltetu eta gizarte ereduari berari era larrian eragingo dio Abiadura Handiko Trenak. Hori guztia gehiengo sindikalari bizkar emanda, gizartearen parte-hartzea ukatuta eta adostasuna bilatu barik.

Arrazoi ugari daukagu inposizio honen kontra borrokatzeko. Mugi gaitezen!!

 ·  Pako, zatoz Legutyora igandean. Jon Artetxe. AHT Gelditu Elkarlana eta LABeko kidea.

Ezkertiar baten bila dabilela zioen duela gutxi Pako Aristik, gogoeta egiteko moduko artikuluan. Horrela amaitzen zuen idazkia: "Nonbait baldin bazaudete, dei iezadazue; zuek gabe, neo-kapitalismorik basatienaren parke tematiko batean bizi naizela iruditzen zait, hipermerkatu bateko giro nazkagarriaren erdian".

 ·  Lanerako joan-etorriak hobetzearen alde eta AHT-ren inposaketaren aurka. Urriaren 8an manifestazioa Legution goizeko 12etan.

Abiadura Handiko Trenaren aurkako borroka garai erabakiorrean ari da sartzen. Instituzioak urtea amaitu aurretik hasiko direla lanak diote eta Legutio inguruan hasiko omen direnez, garrantzi handiko hitzordua da datorren igandean, urriak 8, bertan egingo dena.

 ·  Garraioa Euskal Herrian: hurbilketa gaurko egoerara eta etorkizunerako proposamenak (Trenbide Sozialerako Sarea).

Euskal Herri osoko garraioari buruzko analisiaren eza nabarmena izan da orain arte. Horregatik da eskertzekoa Trenbide Sozialerako Sareak eskaintzen duen dokumentu garrantzitsu hau. Bertan, analisia ezezik, irizpide eta estrategia proposamenak, datu eta grafiko ugari... ere badira.

 ·  Tren Sozialaren alde, AHT-rik ez!

Azpian sinatzen dugun mugimendu sozial, sindikatu eta alderdi politikook Euskal Herriko trenbide sare sozialaren garrantzizko hobekuntzarako eta mantentze publikoaren alde aurkezten gara.

 ·  Dario de Regoyos plaza berreskuratzeko aldarrikapena Bilbon.

Dario Regoyos plaza berezia suntsitu zutenetik urtebete igaro delarik, hiritar talde batek bilkura egin zuen ostegunan lehengora itzul dadin eskatzeko. World Serieak zirela eta guztiz eraldatu zutela -legez kanpoko erabakia hartuz- gogoratu zuten, nahiz eta maila goreneko ondare gisa sailkatua zegoen. Horren ordez, egun ikus dezakegun lez, guztiz lotsagarria den plaza eraiki zuten.

 ·  Agudo, agudo! Bai, baina... nora?
Bea Arana (AHTren Aurkako Asanbladako kidea).

Euskal Herria menperatzeko saiakerak zenbaezinak izan dira historia osoan zehar. Inperio ezberdinek gure herria asimilatzeko ahaleginak egin dituzte behin eta berriro. Gaur egun bertan, askoren ustez gu ez gara existitzen herria bezala.

 ·  AHT-ren aurka borrokatuz independentzia lortuko dugu.

Inperio askok mehatxatu dute Euskal Herria historia osoan zehar baina gure herriak behar adina kemena erakutsi du beti zapalkuntzari aurre egiteko. Eta horri esker egun bizirik dirau.

Gaur egun inperialismo kapitalistak bizi modu arrotz bat inposatzen digu eta horrekin batera jendarte eredu bortitza, berekoia eta produktibista eratzen du gure inguruan. Gure lurra, gure kultura, gure identitatea eta gure buruak kolonizatuak suertatzen dira. Mendeetan zehar pairatu dugun erasorik bortitzena ari gara sufritzen gaur egun.

 ·  Nafarroako AHT Gelditu Elkarlanak antolatutakoak:

- Ekainaren 2an: hitzaldia Irurzungo kultur etxean. 19:30.

- Ekainaren 3an: mendi-martxa Eriza-Irurtzun. Kontzentrazioa Irurtzunen 18:30.

- Ekainaren 5ean: hitzaldia Val de Susan. Subeltz (descalzos 46). 20:00.

- Ekainaren 10ean: Donostiako manifestazioa. 17:30.

 ·  Gasteizko AHT Gelditu! Elkarlanak, honen bitartez, datozen egunotan antolatutako jarduerak jakinarazi nahi dizkizuegu.

Ekitaldiak:

- Maiatzak 31, asteazkenean, arratsaldeko 7:30 etan Aldabe Gizarte Etxean.
Hitzaldia: "Milaka arrazio AHTa gelditzeko".
Hizlariak: Luis Ganuza (UAGA), Alberto Frias (Eguzki).

- Ekainak 3, larunbatean, eguerdiko 1ean Aiztogile Kaleko sarreran.
Kalejira eta informazio banaketa hiri erdian eta Alde Zaharrean.

- Ekainak 5, astelehena, eguerdiko 12etan Ajuria Enean.
Munduko Ingurugiroaren Eguna dela eta, Giza Katea.

 ·  AHTri buruzko hitzaldiak.

Azken asteotako gaurkotasunari erreparatuta, bada azpiegitura arloan pil-pilean dagoen gaia: abiadura handiko trena. Lakua eta Madrilgo gobernuek sintatutako hitzarmena, "Garraioa Euskal Herrian" lelopean Trenbide Sozialerako Sareak aurkeztutako dokumentu mamitsua, AHT Gelditu Elkarlanak abiaturiko "Eman zure arrazoia" kanpaina eta ekainaren 10erako Donostiako manifestaziorako deialdia... ugariak dira eszenatokia aldarazi duten mugimenduak.

·  AHT Gelditu! elkarlanak manifestazioa deitu du Ekainaren 10ean Donostian.

Abiadura Handiko Trenari (AHT) oposizioa erakusten dioten hainbat talde (LAB besteak beste) eta erakunderen arteko AHT GELDITU! Elkarlanak manifestazioa deitu du ekainaren 10ean Donostian, arratsaldeko 5:30etan Anoetako estadiotik abiatuta, Espainiako gobernuak zein Jaurlaritzak "euskal Y"-aren eraikuntza lanak abian jartzeko hartu duten erabaki larriari erantzuteko eta AHTren inposizioak jendartean eragiten duen desadostasun zabala adierazteko. Euskal gizarte osoari deialdi zabala egiten diogu beraz, "ARRAZOI GUZTIAK DITUGU: AHT GELDITU!" lelopean egingo den manifestazio horretan parte hartzeko, arratsaldeko 5'30etan Anoetako estadiotik abiatuta. Herri mobilizazio indartsua bultzatu behar dugu, ingurugiroan nahiz gizarte arloan hainbeste kalte ekarriko lukeen proiektu suntsitzaile hori geldiarazteko Euskal Herrian energia nahikorik badaudela erakusteko. Hortaz, manifestazio honek AHTri oposizioa erakusten dioten gizarteko talde eta sentsibilitate guztiak bildu nahi ditu, atzerabuelarik gabeko ondorioak ekar ditzakeen erakundeen prepotentzia gertakizun honi erantzun sendoa emateko.

 ·  Erraustegiei kiratsa darie. Jon Arretxe (LABen ingurumen arloko arduraduna).

Gizpuzkoako hondakinak gutxitzeko zati organikoa konposta egitera bultzatu balitz...
Zaborraren ia %40 den atal hau baso, lorategi eta abar hobetzera bidera daiteke. Lombardian 600 litroko konpostagailuak dohainik banatu eta erabiltzaileei zabor zergetan %33ko beherapena egiten diete.

 ·  Erraustegirik ez! Erreferenduma Gipuzkoan. Maiatzaren 13an manifestazioa.

Erraustegiak hondakin toxikoak sortzeko "benetako lantegiak dira". Gure aiton-amonek hondakin organikoak birziklatu egiten zituzten: txerrientzako txerri-jana. Baina erraustegietan gai organikoak, plastikoak, papera, pilak, botikak, pinturak, aerosolak, pixoihalak, ontzi metalikoak eta abar batera errausten dituzte. Gai organikoek erre ahal izateko guztiak nahasten dituzte. Nahasketak erretzerakoan toxiko asko sortzen ditu.

 ·  Izaera sozialeko trenbide sarearen alde.

Duela 16 urte hasi ziren AHT egitasmo zoragarriarekin gora eta behera. Orain dakusagu, lehen aldiz, euskal trenbide sarearen etorkizunari buruzko lehen eztabaida saioak ari direla gertatzen; litekeena da guk behin eta berriro ekin izanak zerikusirik izatea. Egun dugun euskal trenbide sarea esan beharra dago zaharkitua geratu dela, gobernu bakar batek ere ez duelarik izan kezkarik birdefinitzeko eraiki zenetik, XIX. mendetik alegia.

·  "Garapena, ingurumena eta enplegua" jardunaldia. Bizkaiko Batzar Nagusiak, maiatzaren 19an, 10:00 - 13:30.

Formazio eta ikerketa sindikaletarako IPAR HEGOA Fundazioak, GARAPENA, INGURUMENA ETA ENPLEGUA izenburupeko jardunaldia antolatuta, langileok kezkatzen gaituzten galderei erantzuna bilatzen lagundu nahi du. Esaterako, ingurumena gehiago babesteak lanpostuak galtzea ekarriko luke? Garraioa, nekazaritza, energia... hainbat sektoretan aldaketa handiak izan beharko dira ingurumena errespetatzen dela bermatzeko. Gauza bera al dira hazkundea eta garapena? Zein da gure helburua? Garaturiko mendebaldeko hiritarrak garen heinean, borroka sindikala bizi-maila ala bizi-kalitatea hobetzera bideratu behar dugu? Aisialdia handitzea, lan osasuna zaintzea, ongizate fisiko eta psikikoa ahalbidetzea, ingurune fisiko osasuntsua babestea... behar beste baloratzen eta defendatzen ditugu?

 ·  Lurraren eguna: Lekeitio, apirilak 22.

Apirilaren 22an Lurraren eguna ospatzen da mundu osoan. Ama-lurra maite duten gizon-emakume guztiei dei egiten zaie proiektu bat zabaltzeko indarrak metatze aldera, Etorkizuneko Gizarte Akordio zabal baten inguruan, euskal habitataren garapen demokratiko bati begira, gure herrian bigarren trantsizio bat zabaltzeko aukera izateko, eta Lurraren aldeko eztabaida. Hasteko, zenbait sektoretako 100 lagunek sinatu duten manifestua abiapuntua baino ez da.

Lekeition, eguerdian hasita, jai-giroan eta arratsaldera arte luzatuko delarik, egitarau eder eta parte-hartzailea izango dugu. Erdu!

 ·  Hondakin prebentziorako, ingurumenaren alde eta gizakumeen osasunengatiko arautegi baten aldeko kanpainaren hasiera (Europan, Estatu espainolean eta Euskal Herrian).

Martxoaren 31ean, azpian izenpetzen dugun elkarteok, Europako beste elkarteekin batera, Estatu espainiarreko toki ezberdinetan SALAKETA ekintzak antolatu ditugu.

 ·  Trenbide Sozialerako Sareak garraioaren etorkizunerako irizpide eta estrategia proposamena aurkeztu du.

Trenbide Sozialerako Sareak Euskal Herriko garraioaren analisia aurkeztu berri du, zenbait eragile eta adituren ekarpenekin osatutako dokumentu aberasgarrian. Bertan egoeraren diagnosia eta etorkizunerako irizpide eta estrategia proposamenak daude.

 ·  Zapatero nuklearra: Hitza bete ala hitza jan.

Rodriguez Zapatero jaunak energia nuklearra alboratuko zuela agindu zuen estatu espainoleko azken hauteskunde orokorretan. Bai alderdiaren hauteskundeetarako programan, bai inbestidura hitzaldian, hitz eman zuen energia mota hau baztertzeko plana prestatuko zuela. Hilabate askotxo iraganda, zalantzak baino zerbait gehiago dira etorkizuna lausotzen digutenak.

 ·  Datorren abenduaren 14an, LABek Ekoizpen Garbia: aurrerapausuak, oztopoak eta langileen interbentzioa lelopean mahai ingurua antolatu du Bilboko Alde Zaharreko Pilota kalean dagoen Burtsa eraikinean.

 ·  Azaroaren 9an, mintegia: Industria kimikoa, ingurumena eta osasuna Bilbon.

 ·  AHT plataformak aldarrikapenak burutuko ditu urriak 13tik 21era bitartean.

Abiadura Handiko Trenaren aurka dauden hainbat eragilek (LAB barne) eta kaltetutako herrietako bizilagunek mobilizazioak eta informazio ekintzak egingo dituzte Gasteizen urriaren 13tik 21era bitartean eta Lakuako Gobernuaren egoitzaren aurrean kokatuko dute aldarrikapen gunea.

 ·  AHTren aurkako manifestazioa urriaren 22an Bilbon.

 ·  Enpresak, mugikortasuna eta ingurumena.

 ·  Boroako zentrala, nahitaez.
Jon Artetxe, LAB Ingurumena arloko arduraduna.

 ·  Herrialdeko Mintegia: Bide azpiegiturak eta politika energetikoa.

Uztailaren 14an hitzordua dauka LABeko kide orok Amarako kultur etxean 10etatik 13etara. Bertan aditu birekin hitz egin ahal izango dugu, galderak egin, iritziak kontrastatu, eta abar. Jarduldiak garrantzi handiko gai bi jorratuko ditu:

 ·  Ingurumen eguna: ez dago zer ospatu - Jon Artetxe, LAB Ingurumena.

Ekainaren 5ean ingurumen nazioarteko eguna ospatzen dela dioskue albistegiek. Ospatu, ospatu... Euskal Herriko ingurumenaren egoera eta norabidea ikusita, nik neuk bestelako aditzen bat bilatuko nuke.

 ·  Jardunaldia - Bizkaiko Herrialdeko Konferentzia: Lurralde antolaketa eta politika energetikoa.

Uztailaren 1ean Bilboko egoitzan (Errekalde zumarkalean, 62 zki.an) izango den jardunaldira gonbidatzeko idazten dizuet. Goizeko 10etatik 13etara arituko gara. Aditu biri entzuteko aukera izango dugu, baita galderak eta zalantzak adierazteko zein eztabaidatzeko ere. Honako gaiez jardungo dugu:

 ·  LAB sindikatuak Itoitzko urtegia era kontrolatuanhustutzeko eskatzen du.

Besteak beste, 9.000 lagunen bizia arriskuan delako

Hondamendia gertatuko balitz, Itoitzko ura hiru minutuan helduko litzateke Aoizera eta 2.000 lagun hil, Italiako Vajont-en jazo zen bezala. Ordubete baino lehenago Zangozan izango litzateke ura, 9.000 laguni eraginez.

 ·  Kiotoko ituna eta erantzukizunen banaketa. Auto, gidari eta bestelakoei buruz
Jon Artetxe eta Iñaki Barcena (EAEko Ingurumena Aholku Batzordeko kideak).

 ·  "Pagasarri babestu" erakusketa.

 ·  Noren mesedetan izango gara energia saltzaileak?
Jon Artetxe. LAB Ingurumena.

 ·  Boroako zentrala, hasi aurretik suntsitzen ingurumena.
Produktu kutsakorren ihesa esandakoa baina askoz haundiagoa izan zen, 200.000 litrokoa hain zuzen.

 ·  Basauriko Firestone enpresak 6.000 litroko latex isuri ditu Ibaizabal-en.

 ·  Jon Artetxeren adierazpenak, Sagarrak taldeak antolatutako II Euskadiko Industria hondakinei buruzko jardunaldietan.

 ·  Bizkaia maitea? Jon Artetxe, LAB Ingurumen arloko arduraduna.

 ·  Berandu izan aurretik hustu behar da Itoitzko urtegia.

Txostenak

 · Consecuencias del modelo neoliberal en el cambio climático y el modelo energético.  
 · Eredu neoliberalaren ondorioak klima-aldaketan eta krisi energetikoan.  
 ·   
 ·   
 · Reach araudia (eusk)  
 · Normativa Reach-gazteleraz.pdf  
 · Lana eta joan-etorriak.  
 · Hriritik: Energia nuklearra ez da etorkizuneko energia.  
 · Abiadura Handiko Trenaren inguruko iritzien azterketa.  
 · AHT-k Euskal Herrian eragingo lituzkeen kalteen inguruko txostena.  
 · AHT versus tren soziala.  
 · Ecofuel-en hondakin arriskutsuak tratatzeko instalazioari ez.  
 · Garraioa Euskal Herrian: hurbilketa gaurko egoerara eta etorkizunerako proposamenak (Trenbide Sozialerako Sarea).  
 · Kimika, ingurumena eta osasuna.  
 · Ekoizpen garbia: urratsak, oztopoak eta irtenbentzio sindikala.  
 · AHTrik ez! (1.8MB)  
 · Energia estrategia Euskal Herrian.  
 · IPPC legearen ezarpena eta langileen esku hartzea.  
 · Uraren kultura berrirantz.  
 · Bilbo ez da kotxe karreretako zirkuitoa - Iñaki Uriarte, arkitektua (testua erderaz).  
 · Enpresetan ingurumena Babesteko gida sindikala.  
 · Substantzia kimikoak osasungintzan.  
 · Hondakin sanitarioak. Egungo egoera EAEn.  
 · Erradiazio medikoak, egungo egoera.  
 · Hozgarriak, osasunerako arriskuak.